本來琴日話收工陪同學仔去左銅鑼灣買生日禮物比佢個朋友仔, 跟住去K, 點知下奏都已經o係官塘廣場買左, 咁收工就唔想再去銅鑼灣咁遠啦.. 但係又想去SOGO買得意野食喎.. 之後大家就諗到不如買完野食去新o個間CEO NEWAY啦... 直頭係非常好既行程呀...

大家去到SOGO, 完全係顛左咁不停簡野食... 上面既就係我地買左既其中一部份喇~ 好開心囉... 瘋狂購物呀~! ^_^

之後就去唱歌喇.. o個間野我第一次去咋.. 好酒店FEEL囉.. D聲又正喎...獨立廁所真係好方便~ 無線咪仲可以一路去廁所一路唱歌添.. 哈哈~ 我地兩個唱到十一點零鐘就走LU... 唔知點解走o個陣超級多人搭地鐵.. 好似番工放工咁架.. 奇怪~

其實我平時都好小去銅鑼灣行街, 今次仲放工走去行添.. 好特別呀... ^_^