每年一到左中秋節, 公司都會派利是.. 今年都唔例外呀~ 今日派左喇~ 哈哈~ ^_^ 不過~ 今年縮左水.. 小左錢呀~ 但係都估到啦.. 公司多左成十幾人…. 生意又唔係咁好… 仲有得派都算係咁囉… 其實~ 今年就連送黎公司既果籃都小左呀~ 証明香港既經濟真係麻麻地~

今日朋友仔冇啦啦話佢下星期要去飲, 或者星期日陪佢去買衫喎… 我實冇所謂架.. 橫掂都冇地方去…. 睇番原來都有成三個幾禮拜冇約過一齊出街喇~ 好耐呀~ 不過~ 自從上一次出街既時候有太多Dead Air既情況出現.. 仲有小小覺得好似唔出街仲好D之後~~ 都已經冇咩好特別既感覺lu…. 不過~ 問心就緊係仲有小..小…小….小…..小架啦.. 話冇你都唔信啦…. ^_^
如果真係出街既話, 就會見到叮噹香晶既下場喇~! 都過左咁耐喇~ 我好肯定已經用晒囉~ 至於~ 仲有冇留o係架車度, 或者有冇再加入香晶呢.. 或者星期日就會知道個結果架喇~~!
點解有咁多唔肯定既句子?! 因為朋友仔都係話”或者”陪佢出街去買衫之嘛…. 都唔一定會出既~~

不過呢…. 應承大家~~ 如果我真係有出街而又仲見到叮噹既話, 星期日既新聞頭條就會有佢幅相架喇~~~ ^_^