收工本來同同班同學陪隔離班同學去尖沙咀行街買BB仔衫比個同事既, 點知我地兩個出到去都成八點幾囉, 咩鋪頭都差唔多收晒, 而隔離班同學又已經o係等我地既時候行晒LU~ 所以我地就只係去左食飯囉, 我地去左君悅酒店食甜品墓碑呀, 唔知點解而家D甜品墓碑八點就開始, 我地咪坐下當飯食埋囉~ 橫掂佢唔係真係淨甜品, 都有D小食, 飯, 麪, 粥食既… 最好味就係即場整既班戟呀~ 好味到飛起~ 我地就由八點幾一路坐到差唔多十二點, 好開心囉~ 大家都不停咁講野呀~~講野~~ 食野呀~~食野~~ 好滿足~ 不過就真係食到好飽~ 好飽~~ 好想嘔呀~! 其實都好抵食, 大家都係百零蚊咋, 最好既就係可以坐好耐, 而且D檯又好舒服囉~~ ^_^
我諗我黎緊呢幾日都唔洗食野架喇…. 因為真係好飽~ 飽到好辛苦呀~! 頂住左個肚, 今晚都唔知點訓得著覺…. 而家都成兩點幾喇…. 真係可憐~~!
不過~ 最主要既原因係好肥…好肥……好肥呀~!!! 我要努力減減減減減……減………