今日出街既地點依舊係沙田, 因為泊車平D嘛.. 差唔多4:00就到左LU, 之後買飛睇戲, 睇呢個卡通片-海底奇兵, 跟住就行街街, 我買左對k-swiss鞋呀! 好開心呀! 因為想買鞋好耐架喇~ 不過成日都睇唔岩買唔到咋~ 到咁上下就去左飲野, 食小食… 跟住為左可以唔洗比停車場錢就諗住出左去再入番黎啦.. 點知再入要排成九個字呀! 好在去到戲院岩岩好七點三… 套戲麻麻地姐.. 冇之前o個d卡通片咁好睇囉~ 跟住就去左食元氣壽司~ 食左個幾鐘~ 都差唔多十一點LU~ 之後諗住計到岩岩好唔洗比停車場錢啦~ 點之原來戲飛要o係七點前入商場先有得免費.. 我地岩岩七點零二分入.. 所以都係要比一個鐘… 冇辦法啦.. 不過都好過要比成三個鐘呀~ 之後就番屋企LU~~
今日出街全日都冇咩野特別….. 好普通~ 普通得好緊要…
其實咁樣都係好事黎既~ 是是但但求求其其咪幾好囉~~ 唔洗諗咁多野又唔洗煩~