今日係回歸紀念日假期… 好多人為左廿三條去左遊行, 而我都係照常番工, 因為實在係有太多…太多野要清理一下喇~ 今日番去都清左好多野呀~ 好開心囉~~

之後o係公司走之前諗住叫朋友仔出去食飯架~~ 點知佢話今日要留o係屋企食飯, 不過佢正諗住出去兜下, 所以就話黎公司車我番屋企喇~ 上左車我地仲兜左入去汀九, 深井, 屯門… 跟住佢先車我至番屋企… 我開始明白到有架車就隨時都會去遊車河囉…… 咁當然都要睇下係邊個揸車啦~~

呢幾日既失落感至今仍然存在…… 或許因為琴日係極度極度失落既關係… 所以而家已經算是好了一點點, 可能是因為有一點看化, 或者是因為唔想諗…
但係每當我想起同學仔給我信中的一句話『爭取過就算得不到… 至小都不會後悔…』, 真係即刻有個衝動想開口問一個問題…… 當然… 我係冇開到口啦… 因為~ 實在係唔知道應唔應該開口…… 最重要既係因為『開不了口』！

或許凡事都唔需要過份緊張, 睇多一段時間可能會有另一個睇法或者結果呢！