今日o係公司得閒到飛起, 其實某程度上都係自己唔想做野, 同埋老闆又飛走左,再加上亞HEAD又請假一天, 所以好自由~ 七點就已經走左喇~ 同亞DOE去左行旺角, 一心一意都係想去買衫囉, 點知行左幾間都冇野岩買, 諗住都係空手而回架喇, 誰不知去到潮流特區3樓o個間野一買竟買左1件衫, 1條裙, 1條褲囉~ 之後就去左食飯, 跟住因為飽得制就去左行波鞋街, 又買左件衫同褲~ 不停咁買~ 不停咁買~ 咁樣一個晚上既消費又成千蚊LU~ 之後o係架車度發現我o係第一間鋪買o個3樣野, 得番2件, 唔見左條裙囉~ 好有可能係佢冇放到去個袋度呀~ 而家真係唔知點算好呀~ 聽日夜晚又要出多去一次~ 希望個位SALES誠實D啦~ 唔好話我知其實已經比左我呀~ 我到時真係喊架~ 因為我真係好中意o個條裙囉~ 冇理由要我再比錢去買架嘛~~~~ 唉呀~ 原本好開心架嘛... 而家變左好鬼死忟呀~~