今日係2003年馬年既最後一日番工, 依舊都係有得提早四點收工, 但係其實番到黎公司都已經冇晒番工FEEL, 因為好多人都唔係做野, 只係大聲傾計啦, 等收工啦~ 而我? 我都可以話隨時都走得, 不過~ 坐得o係度都冇理由真係淨等架~ 咪做定D下年用既野先囉~~

其實琴日已經係馬年既最後一日同乾媽媽一齊做野喇~~ 可能因為佢病啦, 所以大家成日都好似冇講多過十句野, 而且感覺仲有D陌生添~ 其實我係有野想同佢講架囉~ 不過最終都冇講到~~ 一路兩個人行去地鐵站o個陣, 我都好想講, 但係最終都只係一句“小心D啦!”成為馬年既最後一句說話………

但係當我一諗到同事仔講既 『如果大家唔攤出黎講, 我驚我會屈住屈住咁嬲一世…』~ 所以都係打o係呢度比你睇啦~~

相信你應該知道我發你脾氣, 或者你可能會覺得我唔體諒你! (雖然都有些小~)
不過~ 我只係想你下次如果唔番工既話可以早一D (可能既話最好九點前) 話我知, 因為要面對各方各面既人問我
“佢未番呀?” --- “未!” ;
“佢仲未番呀?” --- “未!”
“佢番未呀?” --- “遲D!”
“仲未番?” --- “佢今日唔番喇!”
成日一朝早就係都要聽幾十個電話, 講幾十個『未』字~~ 真係心情好都變壞啦~~~

仲有既就係……… 算啦~ 仲有既都冇咩特別~~ 過埋聽日又新一年喇~ 正所謂年廿八, 洗邋遢, 洗走埋D唔等洗既野啦~~~

雖然你已經唔o係香港喇~ 不過~ 都o係度同你拜個早年先~~~

『恭祝您— 身體健康﹗ 心想事成﹗ 日日開心﹗ 事事順景﹗ 龍馬精神﹗…… 省略幾百句恭賀句子』

咩咩羊年見喇~~ ^_^