日期同時間係 一月八號夜晚九點 ----- 一月十號下奏兩點 ----- 玩唔足三日兩夜架~
最終都可以上船玩番一次, 唔知點解, 覺得冇咩野特別咋喎, 上一次見識一下就覺得OK囉~ 因為我玩三日兩夜, 第二日尾就已經覺得冇野做喇~ 再加上我地冇上岸行啦, 咁我地又唔係去邊度, 大陸之嘛…. 上唔上都一樣啦~ 不過~ 叫做去下旅行玩下咁, 唔洗放假淨係o係屋企囉~! 不過~ 上到船就成日都食野, 因為有得包埋架嘛…. 為左做人既原則---『唔蝕底』--- 所以早, 午, 晚, 下午茶, 宵夜都想食盡佢~~ 咁就好似隻暴龍咁~ 成日食野, 但係有幾餐都因為太飽冇食囉~~
我地間房有個露台架, 雖然都好小行出去, 因為實在太大風喇~ 但係都幾好既~ 望過冇窗D房都幾似個密室架~! 其實好想睇下D高高級房係點樣呀~ 唔會住都想睇下咩樣架嘛… 但係撞唔岩時間~ 睇唔到~ 可惜~ 可惜~
試過個室內同埋露天暖水按摩池, 都冇咩野特別~~ 浸下水都OK既~ 露天o個個都幾得意架~
帶左個相機, 不過~ 映左都唔夠十幅, 始終都冇咩野特別靚~~

上面張咭就係o係船上面洗費既工具喇~ 成日去邊都唔洗比錢, 比咭就得~ 幾得意囉~ 不過唔好不停冇節制咁用呀~ 到走o個一刻先一次過埋單~ o個陣就溶囉~

總括黎講都幾好玩既~~~ 見識下唔錯呀~~