琴日第一次去接機, 原本都冇咩野既, 不過~~ 真係發覺自己其實好傻~~

班間就大約十點十到香港, 因為我留o係公司又冇野做, 但係又唔想番屋企之後再四圍搵車搭入機場, 所以都尊登唔搭A22 (一架快D到又貴一倍既車), 走去搭一架四圍兜又平一倍既E22~~ 諗住起碼都要兜個幾鐘啦~ 咁我六點半走人, 搵個巴士站都搵得好辛苦架喇~ (都唔明白點解呢個巴士站咁偏僻既~) 又等車等左一陣, 上車o個陣都成七點零八分囉~!! 因為廢事搭咁耐車好悶啦, 所以買左本TVB周刊慢慢睇, 點知到八點… 一望出窗口就已經見到個機場o係附近~ o個一刻拿拿臨睇下邊個站落車先岩啦, 望出去都睇唔到D咩野, 仲要有一班摩鑼差用D好難聽既英文問我機場邊度落車喎~ 搞到我鬼咁尷尬咁答”SORRY, I ALSO DON’T KNOW!” 最後佢地覺得o個個站應該落車, 仲叫埋我落車添呀~! 摩鑼差仲叻過我~ 哈哈~
落左車都係見步行步, 好在都唔難搵接機處, 不過~ o個陣都只不過係八點半~! 去大家樂食左個雲吞麵, 個牌寫住廿四蚊, 但係唔知做咩佢收我十八蚊, 好開心, 以為佢打錯單, 冇理佢啦, 點知坐底左之後先見到原來八點後特價十八蚊, 等我仲以為佢打錯單添~ 哈哈~ 個麵都好好味架~! 之後就o係D一排一排既座位度繼續睇書, 都唔知點解機場有咁多摩鑼差賓人既, 成日o係我隔離B呢巴啦, 嘈住晒。。。。 坐o係度一粒一粒字咁睇晒成本書, 都只係十點鐘, 仲有十個字, 咪四圍行買下今日上船既零食囉~~ 之後就企o係條欄杆度等~~ 最終等到十一點三佢先行出黎~ 嘩~~ 我真係就變化石囉~~
跟住返左佢屋企再出旺角食野, 我返到屋企都差唔多成二點囉~~!
仲要執埋今日上船既野, 都搞到二點半先訓~~ 所以而家係極極度眼訓~~!

不過~~ 一諗起今日收工之後有得上船玩~~ 就好開心~ 好精神囉~~ 呵呵~~! ^_^