呢排都唔係發生左好多野, 所以好耐冇黎呢度喇。。。。

期望見到男朋友既日子由三個月到而家淨低既十個鐘頭, 感覺都冇咩野特別, 諗番三個月前o係機場o個一刻, 幾個人一齊去到機場, 自己一個搭巴士走, 都幾可憐~ 相反今日就一個人搭巴士入去, 兩個人搭的士走, 感覺完全係180度唔同呀!

而家上船獅子星號有半價優惠, 所以我最終都係報左名, 最初諗住報平小小既海景客房, 到最後報左有露台既海景客房! 成日睇住D價錢相差o個百零二百蚊又會高級小小, 都忍唔住手又再報高一級, 我諗呢D一定係麗星遊輪既陰謀!
不過~ 聽晚就上船喇~ 都有D緊張呀~! ^_^
我報左三日兩夜呀~! 雖然係聽日夜晚九點上船, 後日下奏兩點上岸, 都好似得好小時間玩咁, 不過~~ 見識下都應該OK卦~! 去完番黎再講下評價啦~

因為老闆出左TRIP, 所以冇咩野做, 都幾好呀~! 幾舒服呀~! ^_^