原本今日仲o係大陸既我, 今晚就已經番左香港LU。。。。。 好開心呀~

本來都冇咁早走架, 不過因為我公司今晚有個網上即時投標, 但係大陸又唔知做咩野中午開始上唔到網喎‧‧‧之後都一時得一時唔得咁喎~~ 好驚架嘛~~ 到夜晚如果真係唔得咁點算呀~?! 咁我地張單咪死於非命~??? 穩陣計呀, 緊係即刻有咁快得咁快坐車走啦, 車程都要成三個幾鐘喎。。。 三點半走, 都要成差唔多八點先番到公司呀~ 個投標九點就開始LU。。。 一個鐘食下野…READY下咁, 都係岩岩好咋~!!

呢張單有2個款得左, 其餘2個唔得囉~ 都唔知係四個款計呀~ 定係每個款計喎, 呢D聽日先知囉~~! 不過原本定既半個鐘, 最終都係廷長到九十分鐘呀!!

其實都仲有另一個暗投標今晚十二點知道結果架, 頭先睇左個結果喇, 我地得左呀~!! 哈哈哈哈~~ 真係都幾開心架... 因為我o個組冇咩單呀~! 有番一張半張都好過冇啦~~ 有小小野做好過日日o係公司齋坐嘛~~ ^_^
不過暗標試過中蕉呀~ 明明講左話我地中, 最終都會變番唔係我地中架... 你話呀~ 咁樣都唔知投標黎做乜, 個客話變就變…… 奸到死。。。。。。

而家公司D單成日都投標呀, 真係心血小D都唔掂呀, 每跌一個價就成幾十萬喎~~ 雖然個價係老闆叫我地出, 但係出錯左或者出慢左小小…搞到冇左張單就死喇~!! 所以每次都好鬼緊張囉~~ 手都震埋架~~~ 唉… 真係覺得D客好變態呀。。。。。 投投投...投咩標呀~~

都唔知係唔係琴日o係大陸凍親呢? 今日不停咁打乞嚏呀~! 唉。。 都係早D訓囉~ ^_^