琴日男朋友仔話會托公司同事由日本帶一樣禮物比我, 話呢樣係一樣我日日都會用到既野, 好得意既, 大大舊既~~ 價錢大約係港幣二百蚊喎……
我諗。。。
會唔會係 DIARY ? 日日寫??
定係公仔呢? 日日攬住訓??
一或係手袋呢? 日日用??
唔通係。。。。。。。。
不停咁諗。。。 不停咁估。。。。
都唔會知道係咩野~~~
因為琴日都冇人講我知個答案……

今日番到公司, 一行埋自己個位就見到份禮物喇!! 嘩~ 平時o個個同事都唔會咁早番工~ 今日咁早就番左, 仲放埋份禮物o係我度添。。。。 嘩~~~ 好緊張呀~! 唔知呢個膠袋裡面包住既係咩野呢?

一打開…………… 登。。登。。登。。登。。。。。。。。

就係上面幅相既呢隻披住鹿皮既海獅喇~~!! 得唔得意呢~?

佢係一個枕頭黎架.... 唔怪之得話我日日都會用架啦~!!

今晚就會帶佢番屋企。。。 不過佢唔夠高喎。。。 唔知好唔好訓架呢~?!?!

今晚訓過之後。。。 聽日話你知啦~~~ ^_^