氣溫急劇下降, 由琴日既26度變成今日既14度~ 嘩~ 大拿拿跌左12度呀~ 真係都唔知咩天氣黎既~

今日仲係公司旅行, 主要既交通工具係搭船添呀~ o係架船度漂下漂下…… 個個又一扑一"look", 好在我有左上一次游船海既經驗.... 所以都冇咩野…… 不過媽咪就唔係好受到囉.... 但係佢都冇事, 搭船冇事咋喎.... 最終都係要比一個超級無敵臭…臭…臭…既公廁搞到要嘔番餐。。。 唉。。。

呢個旅行都唔係好掂… 話就話係要申請D唔知咩通行證先可以去到, 不過, 有得比我簡呀, 申請埋比我都唔去呀。。。! 坐個幾兩個鐘船, 上岸半個鐘, 又再坐幾個字船, 又上岸個零鐘 (連埋食飯差唔多啦)! 食完飯又坐船幾個字, 上岸半個鐘, 咁就搭番個幾兩個鐘船番黎喇~
聽落好似冇咩野呀~ 不過~~ 唔好就係唔好在每次上岸都只係為左個一兩樣野, 一棵通心樹, 一間寺廟, 仲要係橫風橫雨咁行D山路…… 山長水遠~~~ 都唔知有咩野咁好睇……!

唉~~ 仲搞到鬼咁眼訓, 希望下次有個好D既旅行啦~~~