今日。。。(呢個標點真係難打! 試左好耐先知係 ZD 喎!) 第一次知道有呢個網頁既存在, 感覺就係"好呀"! 好多野都想記錄底, 寫日記/事記又好娘咁, 有左呢個家, 幾時中意放低幾隻字都得! 唔錯呀! 不過。。。 到而家真係要落手打野, 又唔知邊度入手好! 真矛盾!

而家既地方好靜..好靜... (不過頭殼頂上面個風口其實都幾嘈!) 個個都埋晒頭苦晒幹咁做野, 我居然o係度做自己既野, 其實都有D過份, 不過。。又冇咩做, 算罷啦!

一句"算罷啦!"。。。 出於自己把口, 理所當然咁, 雖然冇人會話你, 不過, 個心都係好似覺得人地有野咁! 究竟係人地有野... 定自己心虛先? (我都唔知道, 可能兩者都有!)

頭先既時間睇完一個人既新聞台, 冇咩特別感覺, 只係怕自己可能會跟左佢既風格!

P.S. 多謝話比我知有呢個homepage存在既你。。。