第一個 PRADA 袋係多年前既一個綠色尼龍背囊..
係媽咪買比我架.... 個袋而家仲o係度..仲好新淨添..
嘩.. 估唔到今次又真係會比我睇中左...

話說5月1號假期,
想出去四圍行下...
所以就搵左個成日都好想去睇下既地方...
鴨脷洲 - SPACE - 一個專賣PRADA / MUI MUI 既OUTLET..
個心都只係諗住去睇下... 如果有個千零蚊既買黎平時用下都抵啦...

點知一入到去... 個地方又唔算好大..
但係就個個都要去COUNTER KEEP 起自己個手袋先行得.....
一望就已經見到個中意既袋... 睇完放底繼續行..
每一個角落都摸下..睇下..又試下...
o個度都算好多人呀!! 又有好多人試衫試鞋..
超級多鞋!! d 鞋起碼都 $799 起, 又高到飛起.. 一定唔岩我啦!
MUI MUI 袋只係得幾個.... D款仲要麻麻地添...

行完一個圈之後~
巨肥已經睇中左個袋... 仲決定左要添...
點知得番 display.... 同個sales傾下之後~
原來話display可以問下攞discount~!!
不過要係有明顯傷痕先有喎....

o係我地未搵到個經理姐姐之前....
我唯有番去我個中意袋度....
再睇呀~ 睇呀~ 睇呀~ 睇呀~ 睇呀~

見到有幾個女仔都係睇緊同一個袋...
大家都研究左好耐...
點知就比佢地快我一步話要個新既...
搞到我只係可以要個 display....
唉呀!! 好唔開心呀!!! >.<
好在個 display 都好新淨...  d 帶都好直...
加上o個幾個女仔個新袋唔知點解話裡面條拉鍊好難拉喎...
唔知係唔係都係想攞discount呢..
經理姐姐當然冇理佢地啦... (個經理姐姐好靚女~~)
到我地同佢講o個陣.. 佢就比左 5% discount 比我個袋....
哈哈..  都算好啦... 橫掂其實我個袋都冇問題既...

其間有幾個人都好想睇我個袋...
如果我一放低實冇埋啦....

有另一個人就要左個同款既啡色...
點知一打開我就見到 D 帶都已經飛起晒...
都唔似係新既....
對比之下.. 我個 display 好似仲好D~

其實我仲睇中左另一個小袋子...
係有新貨呀... 不過一個就有污漬, 另一個個底仲有個窿添...
咁就緊係唔要啦... 搞到我對自己個 display 袋信心都大左dd... ^_^

下次再去既時候...
如果睇岩左個款.. 要即刻叫佢攞個新既黎睇先再決定要唔要...
咁就唔會慢過人地喇!! >.<

感覺呢個袋好似比 LV 抵....
話晒係全個都係皮先啦... 好香既皮味呀!!!
不過~ LV 個牌子又好似唔同D....
哈哈!! 或者都係各有千秋啦... ^_^