Boxing day 例牌都要番工,
好在今年係星期六, 感覺冇咁慘...
收工之後就要陪人地打牌...
贏左90大元..呵呵!!

之後o係大寒風之下BBQ...
仲要唔係對住個爐o個隻..
想暖下手都唔得....
除左 BBQ, 仲有龍蝦, 象拔蚌刺身, 正正正!

跟住就出發去我地準備已久既懷舊Party喇...
老實講... 呢D咁有主題既Party, 我都係第一次去..
簡直就係妹仔大過主人婆!
未見官先打八十大板...
買衫買鞋買配件都已經用左一大筆錢....
好在去到又真係好有氣氛....
如果你唔著懷舊衫既話就同平時冇分別囉...
我地有遊戲玩.. 又有禮物送... 其實都幾開心架...
起碼比人地打八十大板都叫做值得先囉... ^_^
成晚都好開心... 映左D相... 有D相真係笑到肚痛呀!! 哈哈!!
之後我地仲走去食早餐...
食飽飽番到屋企都六點囉...
訓到下奏三點....
食少少野又再訓...
起身食晚飯.....
跟住番到屋企再訓過....
今天... 仍然好眼訓... (可能因為只有十度既關係啦!)