2009-11-16 17:39:20開心寶寶 ☆_☆
馬場125週年
今年係馬場 125 週年... 好特別咁出左馬票..
呢d古靈精怪既我當然就一定會買啦...
好可惜.. 對左都唔中...
只係得 20 蚊安慰獎, 仲要入馬場先可以用得... ~_~
我地入左場食 buffet, 可惜太遲book所以只係食到港式 buffet~
原價 170, 而家就 125 囉 (因為 125 週年嘛..)
如果可以食到國際美食o個個就抵d... 因為國際美食原價 320 呀~
不過我地都去左國際美食度偷攞雪糕黎食....
入場冇紀念品派呀~ 只有一個留為紀念既馬牌...
另外~ 因為有揸車入去, 所以多左個勾勾牌,
比我地勾o係架車度.. 好似人地門口o個d勾咁... 哈哈...
入一入場, 即刻都知道買馬係什麼一回事...
仲利害到可以自己畫埋d飛走去買添...
不過~ 相信下一次再買既時候又唔記得咩野打咩野架喇~~ ^_^
原本都有百幾蚊嬴架... 可惜.. 買少左一張10蚊雞既飛....
就令我變成做左做百零蚊善事了...... 唉...