終於都有一點點時間黎打新聞喇~
首先祝大家鼠年行好運, 個個身體健康, 心想事成!

年初一 -- 都係同以往一樣...
入青衣之後去左畢架山拜年..
跟住打牌直落到夜晚..

年初二 -- 開年之後就入左荃灣,
打牌吃飯再打牌.. 通宵呀~!!!

年初三 -- 七點幾船去澳門...
好早呀! 支力到飛起又冇訓覺...

去到就飲左茶先...
跟住去左媽閣, 又行下又食下...
夜晚去左新葡京食自助餐, 確實係麻麻地~
浦到四點幾... 支力...

年初四 -- 一早起身就食免費buffet~
之後去左賽車場,
我冇玩反而係爸爸玩..
哈~ 睇見佢玩到好開心囉... ^_^
之後去左拜觀音, 食豬扒飽又買下手信~
夜晚去左食鐵板燒... 好味~
浦到三點幾... 支力...

年初五 -- 一早都係食免費buffet~
休息一陣就執野check out~
下奏去左六棉食魚翅~
嘩..好味道....
仲有老細大派錢....
係女性既就有每位老細 $1,000, 即係total $2,000
另外~ 仲有個好似澳門大家姐既人比每人大利是一封 ($500)~
嘩.... 開心到飛起!!
下奏都係浦黎浦去~
夜晚食佛笑樓葡國菜,
凌晨一點幾船番香港~
番到屋企兩點幾... 真係玩到盡了!

今次好特別~
我爸媽同埋男朋友仔既一家連親戚去玩~
鐵板燒, 六棉食翅o個餐都唔洗比錢,
另外~ 我地住左兩晚永利, 都唔洗錢!
仲有咁多大利是逗, 呢個旅程真係平靚正~ 哈哈!

年初六 -- 訓醒食下野之後夜晚同人地婆婆慶祝生日食飯..

年初七 -- 起身入左元朗食午餐~ 跟住打牌再食飯..

年初八 -- 我生日呀~ 都唔諗住有花收,
點知原來有人要say sorry所以我就有貴花喇.. 哈哈..
有一刻感動, 因為真係好突然呀~ ^_^
夜晚同爸媽一齊食免費大餐 (飯廳),
點知都係不外如是....

年初九 -- 一早去焗油, 之後整手指甲,
整手指甲整左四個鐘呀~
仲好貴添... 而家買左10次套票,
感覺好似平左.. 不過~ 都係好貴..
五百幾六百蚊整一次...
所以留得幾耐得幾耐..
我到而家都仲未拆.... 靚 ^_^

年初十 -- 亞哥大日子..
其實搞到我都有d緊張~
o個一日周不時都好想流眼淚....
但係都知道自己要忍住~
所以好快可以收番...
其實眼見爸爸o個日成日都眼濕濕..
令我就更加唔知點喇.. ~_~

夜晚見到好多同事黎飲...
似公司請食飯咁...
好多人都話我o個日靚呀~
唔通化妝既魔力真係咁大~?!?!
仲比人話我『平時又唔打扮下喎!』
乜平時真係有咁差咩~!!!??!?!

年初十一 -- 起身去左人地屋企又比人捉住打牌...
嘩... 最後一日放假真係想休息一下架嘛... >.<

年初十二 -- 番工喇...
因為實在有太多野做...
o係我身上冇左新年後既一番氣氛~
第一日番工就加班到九點幾了...

連續多天十萬個多野做...
做唔完.......

元宵佳節, 公司既工作叫做清左一部份...
就馬上病倒了... 仍然要做....
這一天, 男朋友架貨van出車了~

年初十六 (昨天), 病更嚴重...
發燒了...仍然要做....
晚上有男朋友送上良藥... 好了一點..
男朋友公司今天開張喇~!!

今天... 病好了一點.. 但仍然好病...
四點幾離開公司~
去左無印買左個喼喇...
七百八十蚊呀~ 用左兩張現金券, 所以就六百八十蚊..
好貴呀~! 但係又恨左好耐...
加上又要免費停車場兩個鐘 ($60),
所以都冇再扭擰就買左囉~
希望真係上到飛機啦... ^_^