一路恨左好耐既手袋,
今日我終於都擁有喇!

以前既我一定會左諗諗..右諗諗...
諗到最後都係唔買.. 因為覺得唔係好值..

不過~~
我實在係想有一個靚手袋好耐喇..
之前因為有計劃去日本...
所以就冇打算買...
但係而家計劃有變,
咁就即刻諗番個手袋lu! ^_^

琴晚上網睇下睇下...
突然睇到一個2008年春季新款...
嘩... 好靚呀~

今日興致勃勃走出去睇...
排左好耐隊先入到鋪頭...
一睇之下... o個個sales就話冇貨..
唔知幾時先有.. 又唔可以留名做waiting list..
之後就諗住行下第二層睇下其他野.. 橫掂都排左咁耐隊..
睇下睇下又叫o個d sales比本catalog黎望下....
又再講我想買o個個2008新款..
點知呢個sales比我留名...
check下check下又比佢查到有貨番...
見到個袋就覺得仲靚....
嘩... 個sales都話我地好彩...
整定我係要買架喇... ^_^

所以o係男朋友同埋媽咪既津貼之下...
就諗都唔諗----買左!!

嘩哈哈哈.... 好靚呀!!!
番到屋企即刻執好一個櫃桶,
尊登放好佢... 嘻嘻嘻嘻!! ^_^

新年一定要晴天呀~~~ ^_^