好耐都冇試過要自己比錢入場睇戲喇..
(成日都係o係荷里活廣場用免費飛.. ^_^)
琴日就同朋友去左MEGA BOX睇上面呢套貴戲...
成百幾蚊一張飛呀...
全套戲都係帶住個3D眼鏡睇..
唔帶就會朦查查...
不過我個鼻唔夠高, 又有原本個眼鏡頂住,
所以都唔係咁舒服..
睇o個陣既感覺都唔錯...
有D野好似不停飛埋去你度咁..
本能反應係會自己避開,
哈哈.. 都幾得意.. ^_^
不過~ 因為D字幕都係立體,
有D位就唔係睇得咁清楚~
雖然坐最後一行不過都好近呀....
唔係好睇得晒囉~
最初都以為自己睇完會好頭暈,
點知又冇事喎... ^_^
係幾特別既, 不過套戲既故事就真係幾麻麻...
睇到中段勁想訓覺... (睇夜晚九點八都有D關係既..)
訓左幾分鐘之後都叫自己要撐住醒呀...
成百蚊張飛~ 片長得114分鐘...
足足一蚊一分鐘呀... ~_~
呢種3D睇一次叫做試過,見識下就算喇...
下次... 可以試埋東涌既4D戲院..
不過~ 一定要搵套吸引小小既戲囉... ^_^