近日最 HIT 既生字 -- 『十年』,
原本都好似同我冇乜特別關係,
因為我都已經過左一個十年又一個十年....
但係, 諗真D, 原來都唔係事不關已...
總有D野... 令我有感而發..

十年前,
由屯門搬屋到九龍,
到而家, 不知不覺都住左十年...
(屋企仲好新淨, 有賴媽咪請左工人抹屋 ^_^)

十年前,
由讀左3年既中學調到新既中學..
舊中學既朋友~ 都識左十二/三年喇..
雖然好耐冇見, 亦都冇聯絡,
不過近日突然再次SMS, MSN, 通電話,
發現大家其實都好似冇變過! ^_^

新中學識既好朋友~
本應剛好相識了十年...
不過~ 好可惜...
我親手在 2006年8月25日 -- 搞垮了!

前幾日, 在電視節目『十年』裡面,
有一日既主角係 -- 余詩曼
我目不轉睛, 好留心..好留心咁睇晒全個節目,
因為~ o係電視機裡面,
我感受到一種好熟識~ 好熟識既感覺~
佢有你既動靜, 有你講野既口吻,
就好似係你既影子一樣...
但係~ 節目始終都會有做完既一刻..
當電視機畫面冇左主角既映像之後~ 我覺得好無奈...

對唔住! 到今時今刻我都不能接受2006年8月25日既新聞,
我知道我既"不能接受"唔代表你既任何一切~
不過~ 究竟有冇方法..
可以同妳一齊再開始另一個十年呀!?!
我真係好掛住妳呀!!