琴日一早九點就起身, 出去深水埗西九龍中心攞禮物~
(價值三百幾蚊既護膚套裝~)
之後仲食左個麥當當早餐添.. 非常豐富~ ^_^

跟住搭車出番荃灣,
去左睇十二點半既戲『天行者』,
好難得大家都冇訓覺喎..
雖然個故事又真係好似影評所講-有D誇張~
不過~ 都算都幾好睇既.. 葛文輝好搞笑囉~ ^_^

之後又食野~ 去左食下午茶.. ~_~
飽飽就上人地屋企休息休息lu...

但係, 上到去有人提議打麻雀,
哈哈哈~ 估唔到我都識得羸錢喎...
好利害呀~ ^_^
都係一人二百蚊玩下姐..
不過~ 同我夾份o個個輸晒...
所以搞到我都冇錢嬴~
冇所謂啦, 都係打發下時間玩下姐... ^_^
之後就飯飯... 再回家...

回到家中, 哥哥已經執好晒佢既行李...
飛左六日 (11/14-11/19) 既日本之旅又完成lu...
今次佢好節制, 買左好小野咋..
不過~ 都有買我最中意既鹿鹿叮噹比我喎..
嘻嘻嘻~~ ^_^