好休閒咁 10/28 (星期六) 放左半日假,
咁樣就有一個連放三日既weekend lu...
放兩日假都已經好開心,
而家仲要放足三日, 正到飛起... 哈哈哈! ^_^

雖然呢幾日都冇乜特別事情做過,
不過~ 簡簡單單都紀錄一下啦..

10/28 (星期六)
唔洗番工但係晨咁早七點幾已經醒左又訓唔著.. >.<
可能因為放假令我太緊張喇...
同媽咪食左個早餐, 番屋企就開始煲女王...
最後一集喊到我飛起..... ~_~
煲了幾星期, 終於都煲完了... ^_^
之後出去食飯.... 飯後番家...
半睡半醒咁講電話講到四點先訓... "支力" ~_~

10/29 (星期日)
十一點幾比個電話嘈醒要去九龍城飲茶,
之後去左鑽石山抓糖, 好多好多糖呀 ~_~
玩左一陣冒險, 六點零就搭車去畢架山打麻雀,
同人地夾份都羸左二百幾蚊... 嘻嘻 ^_^
打到十二點幾搭的士番家, 番到屋企忍唔住分糖糖,
分到成三點先訓.... "支力" ~_~

10/30 (星期一)
十點幾比個電話嘈醒,
之後一連串幾十個電話響響響....接接接....
成個人醒晒... 唯有起身啦...
睇無線既 "我老婆唔夠枰",
好似有睇過又好似冇睇過..
但係一D印象都冇, 都幾好睇喎..
之後帶左臭比比去番學... (哥哥接放學)
再落荷里活同媽咪, 哥哥 & 肥豬飲茶,
飲左成四百蚊呀~ 貴到飛起...
跟住玩左一陣冒險再睇訓覺戲. -- "地海傳說"
真係訓足幾覺... ~.~
再搭車去荃灣新開既椰林閣食飯, 幾好味架~!
飯完睇埋電電就番HOME lu...
成點鐘先訓... "支力" ~_~