悠閒左一段好長既日子..
估唔到一次過o係新年前又迫埋黎..

呢幾個星期真係好特別..
要好好咁搵番晒d記憶番黎先得..

1/17-23..
咁大個女第一次搭十幾個鐘頭飛機..
第一次可以踏足一個不嬲都好中意既英文國家 -- 美國
因為公司安排左我去開會...
雖然唔係明正言順既去旅行, 去到都要做野,
不過~ 真係大開眼介...
開左2日會.. 之後去左三藩市行左2日.. (都叫做玩架喇)
雖然.. 去到美國第二日已經開始病..
有一日仲o係芝加哥轉機既時候o係架飛機度暈左添...
不過~ 其實整個trip都好開心...
仲第一次見到落雪添呀~! 好得意架..

但係唔知點解我覺得美國有種好親切既感覺...
因為我地3個人去.. 行街既時候都係分開行..
再約定時間走.. 但係我都唔驚會走失..
就係呢種好舒服既感覺...
之前去咁多個地方.. 都唔會咁大膽囉~~
或者呢個就係我自己成日話中意英文國家既原因啦..

在此多謝同事爸爸及同事姐姐O係美國既悉心照顧...

去完美國之後.. 番到黎香港做野就趕到屎....
因為咩都要新年前搞掂, 趕到都唔知自己做緊咩野...
加上個人冇咩信心...
好大壓力.. 咩都迫住自己...
好辛苦.. 喊..喊..喊..

迫左兩個星期之後.. 而家都已經係尾聲..
D野搞得七七八八.. 個人先定番D...

我應承左自己唔可以再係一個咁易喊既人...
唔好迫屎自己.. 樣樣野都要睇開小小....
要改喇... 真係要改喇...

每一年都係... 到左年尾就又有雙糧.. 花紅...
做左一年野都係為左呢幾日...

睇D歌星既頒獎典禮... 大部份攞獎既都會喊一餐..
佢地喊係因為終於得到人既認同,
或者就係覺得自己終於得到...
平時我睇到都會因為感觸而喊埋一份..
而我近呢幾日亦都有做歌星攞獎既感覺....
呢個都係我喊既原因... (不過..又係嚇親人....)

番埋年廿九就放假喇...
公司個個都已經好有holiday mood...
而我... 就要繼續加油呀~!
努力埋呢幾日... 開開心心放假....!! ^_^