已經多天沒有見面..
上一次見面都唔記得是何日了..
好似係..三星期前....
原因是....佢成日o係大陸做野...

今日真係叫做是難得一見..
雖然只係 4:00 ~ 9:30.... 5個半鐘...
不過~ 呢一個難得一見...
都係因為我成日都話佢冇假放..
成日話佢有冇搞錯...
所以佢同佢上司申請番黎幾個鐘..
佢有此一著... 其實都顯得出佢有付出過先啦..
唔係成日只係識得同我講好多野做.... 唔走得囉..
哈哈~~ 佢怕比我鬧嘛...

因為我想去唱K.. 又想睇戲..
不過~ 時間有限.. 所以我二簡一就簡左唱K喇~

其實o係搭車出去既時候... 突然有一個念頭..
究竟係我可以出街開心呀... 定係我可以見到佢開心呢?
有些少無奈...

一去到我地就不停咁唱..
不過~ 呢排都係女仔歌多.. 所以係我不停咁唱先岩...
唱到咁上下我就已經打消左搭車o個陣個念頭...
因為.. 大家都幾珍惜呢幾個鐘頭囉...
唱到八點就應該要走.. 不過我地就想睇獎門人...
乍乍第睇埋成八點半先走... 笑到我地兩個飛起....

之後就去左尖沙咀食左吉野家..
佢牛肉雞扒飯.. 我就食雞扒飯...
我自己整走晒自己既雞皮...
平時既我就一定會要佢切走晒佢D雞皮..
不過~ 今日我就冇咁既打算..
因為佢每次都話.. 冇皮都唔好食..
我都好耐冇食過雞喇.... 又唔比人食...
我唔想搞到大家唔開心嘛...
所以冇出聲..
點知佢自己又整走晒全部雞皮...
到佢開始食既時候.. 我就問佢點解既.??
佢竟然話廢事我話佢喎...
哈哈~~~ 唔要求佢反而自動自覺既....
開心死我.... ^_^

食飽飯佢就要走LU..
佢去左今日先開既尖沙咀九鐵站搭車...
我想參觀下所以就去左送佢囉..
個站好大架... 不過~ 其實都幾遠囉..


P.S. 上面係我同佢既生日熊呀~ 我地一人一隻架...
你睇下佢地幾靚.... ^_^