有個人去報名參加一個跑步比賽...
評審員知道呢個人好中意呢個比賽既獎品....
好想得到佢... 所以就批准佢參加...
而比賽亦都即刻開始左..


只可惜呢個人就連自己參加左一個咩野跑步比賽都唔知..
佢以為只係一個馬拉松比賽...
間唔時會有一D小石頭o係地下整跌佢...
或者會有一D小石頭飛落個頭度...
但係... 當佢跑跑下既時候....
就發覺其實唔係馬拉松咁簡單....


呢個其實係一個障礙比賽...
成日都有好多好多大石頭飛去佢塊面度..
冇人比水佢... 冇人比毛巾佢...
正因為佢第一次跑...
所以就算唔係跑左好耐..
佢都已經覺得跑得辛苦...


所以~ 佢就忍唔住問評審員..
其實呢個比賽要跑幾耐架..?
評審員就只係反問佢...

咁你可以跑幾耐?
如果你覺得跑到夠喇.. 都未可以得到份禮物..
咁你就要考慮一下...自己仲想唔想繼續付出..
仲想唔想要份禮物喇....

或者如果你覺得仲未跑夠..
又依然仲想要份禮物既... 咁你冇需要理會你要跑幾耐呀...
繼續跑咪得囉....



跑步者明白到自己點解而家要受咁多障礙...
所以佢現時只會全力咁繼續跑每一段路...


評審員知道每個人都有自己既底線..
但係佢唔可以諗咁多..
因為~ 佢認為人想要得到一樣野就要去付出..
太易得到既野...真係好少人會去珍惜囉...




到最後...
大家又有冇諗過...
點解評審員會批准呢位跑步者再次參加呢個比賽呢...?

其實... 原因亦都好簡單......