今日去左買自己送比自己既聖誕禮物....
就係上面既佢喇...
其實~ 都有一段心大心細既過程...

因為.. o係未出去既時候...
我就一心諗住買T630...
點知同人講開電話...
就有人話覺得T630唔靚... T610靚D..好D...
佢仲話自己用緊藍色.. 又話紅色都靚...
開始唔知點算好...

問亞哥意見... 佢就一口話T630好....

出到去睇既時候.. 我O係電話鋪睇左好耐...

因為又真係覺得T630既制唔好禁.. 痴埋晒咁...
又好似好方形咁... 攞上手又唔係咁好...
但係我又想買新機... 話晒T630都只係出左一個月...
又只係差百零蚊... 心大心細...心大心細......

跟住亞哥突然話佢要T630....
咁我最終就簡左T610....
簡左之後都望左好耐先簽名比錢..
因為... 都好怕自己後悔呀...

買左之後... 我會諗...
因為咩原因.. 我會唔簡新機呢..?
我最初都唔知道..

但係..
我番到屋企... 再望下我地兩部機...
我都係中意自己既T610多D....
我覺得冇簡錯囉...

之後再問自己... 其實點解我唔簡新機呢~!?
今次知道原因喇...

因為... T630 D制真係唔得.. 我唔中意..
因為... T630 個款唔岩我...
因為... 有人已經用緊T610....
因為... 有人話紅色都好睇...
因為... 我記得呢個人講既野....

邊個係一個特別主要既原因...?
我唔知道....
因為每個原因都有佢一定既威力......

所以.. 我簡左佢......