平安夜同好好朋友.. 加上兩個中學既朋友去左尖沙咀食日本野..
之後~ 就同好好朋友, 一個中學朋友(二爺), 同埋佢個朋友去左飲野..
一心諗住去上次佐敦o個間野會平d.. 就由尖沙咀行到去佐敦..
點知到左之後發覺仲貴左... 真係大家都已經好無奈...

不過~ 都冇辦法... 唯有就開始玩囉..
玩到咁上下就唔知做咩同埋左隔離枱一齊玩..
一個二個玩到傻晒.. 可能因為我地幾個人都唔係咁開心啦..
而我.. 就唔知做咩好小有咁... 嘔添囉...
一個平時飲多多都唔嘔既人.. 琴日竟然唔係飲得多都嘔囉..
真係唔知點解...
之後.. 因為有人話要食野.. 我地就去左唔知邊度食雲吞面..
都係得好好朋友同二爺食咋..
食完就三個人(二爺, 佢朋友, 我)搭的士番屋企...
番到屋企就大件事喇...
我完全地發覺我個電話唔知去左邊囉...
即刻打番比自己.. 打通.. 冇人聽...
不過.. 屋企就冇響聲囉...
再打... 已經比人關左機喇...
唉... 心都痛埋..... 點解咁樣架~!!!!!!

講過想換電話姐... 唔洗即刻就唔見埋呀.....
講過咩都冇姐... 又唔洗真係咩都冇晒呀...

好可憐呀......

不過~~~
會令自己安慰d既.. 就係好在銀包同部DC都仲o係度囉...