黎屋的兒童書院

這群細妹仔全係ㄚ光妹介堂姊--黎芸、黎萱、黎柔lau黎曉青（左片到右片），佢兜也係黎屋書院介會員，lia下放寒假，佢兜得日就會來lia看書、畫圖，最近我們買了全套介繪本，佢兜講：「太好了！我們天天都要來看書！」
lia係黎屋書院介門口，lia間房間本來無人住，像倉庫共樣亂，經過我們自己整理之後，已經lau新介共樣咧！在左手片係阿太留下來介面盆架，有人客來介時節，做得先分人洗面、洗手；右手片介甕缸本來係滷鹹菜介，lia下用來蓄魚lau水生植物；右片頂背介吊盤係放分鳥仔食介水果，不過鳥仔當像無食爛水果，只有在頂背屙屎。
有了書院以後，黎屋介細人仔就有地方好看書，接下來還有當多想法愛去做，包括客家話介傳承lau客家人文教育介部分，當多事情無係學校做得來介，我們希望透過家庭lau社區介力量來推動。