真係好開心ga
以我零級的水平、譜都唔識睇
用兩個月時間學識彈五級的<<夢中的婚禮>>
真係覺得好不可思異

雖然 d 拍子依然都唔係好準
雖然我未踏好 padel
雖然時大力時細力搞到d音出得唔係好平均
但我總算彈到成首歌呀, 我會繼續練得好d好d

中三開始, 成日都會係學校聽到唔知邊個係度彈呢首歌
估唔到我真係有學得到ge一日
對於本身識彈琴的人來講
可以會 cher 一聲：不外如是
但係呀, 學琴真係好貴, 琴本身都好貴, 自己又可能三分鐘熱度
所以從來都唔敢咁浪費屋企錢

而家咁幾好丫
我又唔使好有大志咁怒彈考級試
鐘意學識一兩首歌已經好開心
話唔定鐘意又可以學多一兩首wor
哈哈~ 無壓力 ^0^

早兩個星期又剛剛學識踏單車 hee~
雖然我唔似得個妹咁多才多藝、音樂運動樣樣皆好
我唔係想比較, 但俾我識少少都好丫

讀大學之後, 少少成功感都未有過
搞活動、搞呀搞、搞足一年
係.... 我唔會賴, 讀唔好書大部份的責任係我懶
我想盡下學生的本份, 認真咁讀下書

加油！
好多野都得來不易, 要珍惜
過左去無得返轉頭

Carmen 一句： 「你都好堅持wor, 俾我係咁ge情況下分分鐘放棄左。」
係呀, 你唔講, 我都不注意, 呢d都算係 effort 的一種
你都要加油呀！ ^_<

又, 你去年在 AUS 的堅持
是我望塵莫及的

生命中總有些東西是值得堅持的

雖然有些事我堅持多年都未有答案
但我會默默努力的




無端端, 插左好多野落去
別人睇得明才怪 :P