５月６日：今朝仲未知駛唔駛返band，send了個msg去問，噢！又唔駛返，繼續碌，碌到差不多兩點起身食飯，食完阿爸同細佬出街唔知做乜，應該係出街慢慢地走吧，話晒都幾個月未出過街了。
我就一直係屋企，無浪費時間呀！我囉奸狗戈科交通工程出黎溫呢！星期一第二次測驗了！書裡的內容只睇剩一節，可以話幾乎溫晒了，只剩功課！為左獎勵自己，我又開電腦了，先查幾個岩岩唔識解的生字先，再打日記，狂打，又可追返進度啦！
咁開心，順便上埋網啦！上左個幾鐘，upload我ｄ相上無名，好無未放過相上去啦！咁又個幾鐘，唔駛返band的日子真係無聊！
等到食飯後唔記得做過咩了，大概又係開住電腦溫習，成十一點幾去關閘新苗買宵夜，有吉百利朱古力，仲有一大筒翻版品客薯片，返到家邊食邊上網，完全停唔到口呢！最後食剩五份一，四點幾睡了。
上網時和黑鬼，Wig開個MSN聊天，講起那個話題，黑鬼你應該好好利用自己優勢啊！你呢個人再加埋有車，肯定比好多人好得多！！