２月４日：年初七，人日。發了個夢，首先夢見我回到中學，在自己課室裡，回到四年前似的，有位朋友走入課室找我，之後鏡頭一轉，我和那位朋友回到我十年前住的地方，她去頂樓找朋友，這幢樓沒有升降機的，一直上樓梯，期間我和她就像某次出外時的情景般。　到底我潛意識是怎樣想的，我內心深處到底是怎樣？我開始亂了，暫時性吧！
真恐怖！醒來時發覺，下午四點半了！聽到阿爸剛回家，即彈起身，刷好牙便在廳中呆坐，吃了兩塊面包，想約Wig出去三盞燈看點東西，但他要出大陸，沒辦法，明天才去吧，之後我又上網了，和在上海的三舅舅玩QQ的視訊，五年沒見他老了很多呢！我一直在問寬頻上網的問題，上到七點多，發覺遲了！我要去仆guyCTM交寬頻費呢！即offline出去交，去到間仆guyCTM又關門了！靠！回到家的大廈樓下發現我昨晚打的東西全都章貼在各大廈門口，真的搞事了，係咪我家的人包括我真係鐘意搞事？雖然這次是必要的！
回到家又是全家人一起吃飯，之後又睇電視，有少林足球做呢！做到十一點幾，阿媽突然問我去唔去金碧賭場食宵夜，有張飛免費的，是但啦，之後便出發了，打的去，去到佢話無得賣飛，所以只有一個人可以食，我唔食了，俾我媽去食，我周圍睇下ｄ人點樣傾家蕩產好了，阿媽食完出黎囉左幾十蚊籌碼，係唔知幾時坐車送的，玩晒佢突然兩左兩百出黎玩，玩完又囉多五百，唔好喇掛！算了，新年玩下啫，我呢ｄ低收入人士先覺得多。
我問我阿媽囉左五十蚊籌碼玩，先玩大細，諗住一次過，點知贏了，再囉五十玩，又贏！再囉一百蚊玩三公，都係諗住送的，點知又贏！就係咁，由五十玩到最多贏三百五，間中見到阿媽亂咁買，真係好亂，心諗戈五百蚊都係咁先，不如一早比晒我用仲好。最後我只贏了二百五，阿媽話走了，去唱返銀紙，見佢囉左一大幢籌碼出黎！！計計下我同阿媽夾埋贏左成千九蚊！七百變千九！發了個新年財呢～
最後阿媽只俾左一百蚊我，仲告誡我呢ｄ玩意唔好玩咁多。的確，我玩緊戈陣真係覺得幾刺激。
回到家點半了，沖完涼又上網了，好似最後我上到五點先訓！