１月３１日：年初三，九點幾十點阿媽叫醒我，之後便一齊去聯邦酒樓了，去到我同阿媽阿爸佢地各自囉位，先見到二阿姨。
我囉左張十人台，但等了很久只有Wig，我，Renee，瑩，阿男同阿達，阿媽佢地已經食緊了，佢地戈台仲有大阿姨。
之後有台了，一路吹一路食，影左幾張相，家人走了後不久，我們也走了。
和Wig回家了，他先去他家拿些東西，我就在家準備好部電腦，這天我約了他下午到我家幫我把那舊垃圾電腦裡的hard disk裝入部新腦裡，反正沒有壞，只是有大量木馬病毒而已～
先睇左陣星戰二的DVD，未睇完等到四五點佢來了，我部古董hard disk原來真係舊得好恐怖，佢都未見過咁大部的，裝好了，兩部hard disk搞到部腦好似有點問題，但之後又沒事了，阿媽又整左好多春卷食，剛剛其實餐中午飲茶並不是很飽。
五點零到走了，同佢一齊走，我要去佢度借佢部modem，試下係咪我部有問題還是其他東西有問題。在他家樓下等算了，費事上去好似逗利事咁。
之後回家試機了，仍是有問題，遲些再搞吧，先食晚飯。瑩突然打來叫我約人今晚打保齡，之後我約了Wig，黑鬼，高雄，主教，Shootor。十點去樂天碌。
去到等了很久，因為叫約人戈個未得閒到，我地先走旁邊的打下機，同Shootor玩機game，好過癮！
等到成十一點幾佢先到，先去量下隻腳著幾號鞋。佢地話玩兩局，嘩！成六十蚊！好貴啊，黑鬼話兩人篤波可以篤四五個鐘了！
七個人玩兩條道，我記得上次碌齡時係小學跟一位小學同學的家長去，當時連最輕的球都幾乎拿不起，十多年後我再玩，第一次碌，居然全中！即時中晒毒，好過癮啊！第一局有兩次全中呢，最後拿了八十二分！
第二次都係好好玩，換了另一條道，今次有一百零二分，七個人排第三呢！哈哈，已經愛上碌齡了！
玩到未夠一半，見到劈柴，肥雞，振山等都來碌，佢地係另一條道。
玩到點幾鐘走了，又係門口企，後決定去食宵夜，在筷子基，我和黑鬼，Wig同Shootor坐十蚊的士去，即係未跳標前落車，最後在高士德舊惠康行去。
找極都找不到，問了幾次才找到，還未點菜我們四人便走了，因為出菜時間太慢了，之後我們又行去渡船街的小熊貓食，食完便歸家了，好像還上了一會網吧。

ｐ．ｓ．這天亦是阿男的生日呢～