１月２８日：早上醒了幾次，十分無奈，又被吵架聲嘈醒了，都不知有什麼好嘈！搞到點幾鐘都唔想起身住，最後見好似無乜事先起身。最後一天的乙酉年都要嘈。
Keith打來叫我陪他去買新衫，我說暫時沒空，要收拾房間呢。
之後便一直抹窗抹塵，好ｑ麻煩，抹到大概五點幾先抹晒，都只是用水係咁ｅ。之後Keith便打來了，約二區等再一齊坐巴士到南灣。

行去巴士站時很正，我很喜歡這種天氣，冷冷的風，還下著綿綿的，粉粉狀的小雨，輕輕地撲在臉上，如果心裡不亂想東西的話一定會更正。

先去廠商會大廈，那幢棄置了很久的酒樓現在變成有兩層的賣衫的地方，而且都是頗貴的衫。　揀衫的確是件很人的事，完全想不到會有那些效果，最後買了件半價後百五蚊的polo衫，Keith有折。
之後便去板樟堂周圍兜了，兜到ｍ記門口突然撞到主教同高雄！又係佢地兩個，哈哈～
之後去了U-2買了件西裝樓，很久也沒有自己買衫了，上次應該是六月去台灣時在政大裡買過一件。
之後便走回家了，阿媽和細佬上大陸買鞋，我在家食完飯便立即打電話給Wig和黑鬼，上大陸再買買衫，澳門的太貴了。九點半上到去，頂！幾乎所有舖都關門了，再陪黑鬼去睇game碟，又係關晒門，唯有很無奈地回去了，又各自歸家，看了會電視，盡量十一點前洗澡，子時嘛，但我睇睇下電視都差不多過了耶！
差不多成十二點阿媽同細佬先返。
等到十二點便入去同阿爸阿媽拜年，逗了兩封紅封包再看一會電視和狂send msg後便入房上網了，又是例牌時間睡覺。