１月２７日：點幾鐘起身吧，又好似煮左個面食，三點度同阿媽出去，我先去永亨囉錢，再去中國銀行搵返阿媽，頂！北區有三間中銀，我鬼知邊間咩，電話又打唔通，搞到我憫憫地！再去仆街CTM，諗住cut左個56K，點知帳單有問題，遲ｄ先搞過，回家了。
家裡突然說今晚上大陸食團年飯，家人六點幾走了，我還要待在家，因為叫了黑鬼上我家幫我搞搞部腦，試下係咪set錯野所以上網顛顛地。期間Renee打來說阿男今晚約我們飲野，又要我做下聯絡人…
搵左幾間都沒有位，最後都係改食宵夜，去新益戈邊，約實便同黑鬼走了，我上大陸食晚飯了。
排澳門海關時，旁邊兩行，我又撞到杰佬了，點解呢排大家咁有緣？佢返鄉下。
去到食飯好平常，有兩台，食完便返家了，剛到澳門聽到有人很小聲地叫我，轉頭一看，正正是阿男！之後同佢一齊行，家人先回家，一路行一路吹水，送埋佢返家便走了，待會吃宵夜見吧。
待了一會便十點了，沖完涼打電話給黑鬼一起去，去到不是很多人，有我，黑鬼，Wig，阿悠，阿達，阿婷，瑩，Renee，小葡，胡健紅，主教，祺。但主角阿男卻突然有事不來了，之後便一路食野一路吹水，好正！十二點零走了，走時大家仲約左之後幾天的節目，即係又是搵我黎搞，有打保齡又去旅行…都好，點都好過在家裡自閉。
之後好似各自歸家了，又係上網上到四點幾吧。