１月３日：訓到中午，聽到阿麻來了，又聽到細佬放學回來，仲帶埋同學，始終對細佬的同學無乜好感，聽到佢地好似係出面睇緊碟，唔理，繼續係床上滾。
聽到細佬走了，阿麻又走了，兩點幾先肯起身，煮左個面食，原來岩岩佢地睇犬夜叉劇場版，咁我又睇囉，反正仲有一集未睇～
睇完又四點了，我又痴左線咁，返睡房執我那個亂到會比人打的衣櫃，將所有衫囉晒出黎，再逐件逐件摺好同埋捲埋佢…捲埋佢，嘿，是我一位朋友係我去台灣前一晚教我的，話可以省到好多位……唉！
最後將那個會比人打的衣櫃變會成比人讚的衣櫃，但搵鬼睇咩！期間搵返好多經典的衫出黎，搵返件MPA 2000年時去北京表演的團體服，又有高三戈件班服，我仲將佢囉出黎熨！呢兩日唔知咩事，突然好想念高中的生活點滴…
天黑了，我仍未開始溫習，因為我筆記又唔齊，功課又唔齊，最後又開電腦，又搞搞個CS時，終於搞點可以玩了，但無奈地，個舊芒ｄ色彩黑到睇唔到咁濟，原來個芒已經到左咁ｇｅ地步…之後打日記了，而家終於追返晒ｄ進度，可以打即日的日記了，打到呢度，我要關電腦了，出街買點東西，雖然身上只有幾蚊。

去到數碼城戈邊，某文具店買信封，再行返屋企，但返到去發覺買錯左～
食埋飯睇左少少電視，我又痴左線咁走去執我又係亂到俾人摳的書房，其實都唔算執，只係將一堆舊書囉晒出黎再放係其它地方，又係睇落去無乜點執過般，成十一點幾Carmen打來，講左一陣我就上她家拿Foundation的筆記，聽日影印，返到家沖完涼，我又唔溫習了，我將由以前部垃圾燒的資料部全吸晒入新電腦裡，原本好快，但我要避開ｄ隱藏的病毒檔，搞完發到差不多成年前阿達send的教摺飛機的軟件，即開黎睇，唉！搞到停唔到手係度摺，但好好玩，又搞到四點了。