１月２日：發完個好白痴的夢，訓到八點，無鬧鐘都醒到，見到細佬仲訓緊，即刻一腳踼佢張床，佢即彈醒換衫走人，鬼咩！琴晚煲粥煲到手機無晒電鬧鐘唔識響！繼續訓，訓到九點半俾手機嘈醒，之後半夢半醒地成十一點先起身，唉！早知正經地訓多一兩個鐘啦！
執好野阿麻煮左個面比我食，咁中午又可以省返餐了，食完便走了，坐三十路去高同學家，問左ｄ問題後便沒有再溫了，期間Sue姐來了，之前幫佢買左本DateBook而家先俾到佢。之後走了，回澳大canteen，等到兩點便去考試了。
未開始時Andrew話佢買左十本大陸影印版書，係下一段Raymond戈科要用的，只需45蚊，比著正版書起碼平十倍，佢已賣剩三本，所以我地四個剛進來的有一個要自己買了，高同學將最後一本書讓左比我～我下次出大陸留意下啦！再還返上次的小熊貓錢比佢～
坐到兩點三先開始派卷，同一間課室的還有軟件工程都是大四的人，期間心情出奇的輕鬆，完全沒有緊張的心情，但這科卻是決定我是否要唸大五的關鍵！
派卷了！有成六題，第一題係基本野，但做起黎好煩！第二個問有點要用腦，留返等陣睇吧～轉去第二題，做做下又轉去另一題，最後所有題都睇勻晒後先開始正式做，全部題好似沒有一題是完全做對的，唉！連分數都未有計過可以拿多少，這次考試我要拿52分以上才可合格，看似很少，但其實要囉到呢個分數都有點難度～Raymond提醒我地呢份卷係做三個半鐘的，但ｄ時間都好似唔係幾夠，由兩點三做到五點九，班電腦的人走晒後得返我地班，Raymond一早走了，留下一位坐教，五點九時那仆街屎忽痕入黎收卷，比著平時其他人的話我一定雙手奉上，但屎忽痕的話，單手比佢我都嫌費力！
之後我去了環境實驗室，Dickon同Derek兩個剛好係度，先上陣網先，好耐未上過了，再post日記。搞搞下咁又差不多八點了，走了。
在樓下新世紀對面的地盤又有意外，又“lum”棚架，嘿～實俾香港大肆報導一番了！
返到去食完飯，執左陣野，之後出去廳睇電視，睇“在世界中心…”原來是電視版本，還以為是電影呢！睇完好無聊地，由原本搵所有Foundation考試的範圍同內容，變成執房間，由十一點執到點半，瘋了，但未執完，都係好亂下，咁到底執過什麼，好像只是把一些隱藏的垃圾搵出黎丟一樣，之後開電腦，繼續打日記，打了很久，終於把十二月的打光了，十二月發生了很多事，所以這個月的日記是2005年裡最長的，我每個月的日記都會打在Word裡，每月一個檔案，這個月打了三十版！！　

邊打日記邊聽音樂和MP3，音樂我是聽以前MPA玩過的歌，而MP3，我聽返我地高三理乙以前歌唱比賽時的錄音，好正啊！其實戈兩首冠軍歌一直都係學校的電腦裡，我以前部垃圾聽唔到，而家再聽返，真係好有feel！
突然有一個心願，就係希望我地全班人可以再一次企係鑽禧臺裡再一次唱出高二時的“讚美之泉”和高三的“全新的你”！

之後，好無奈，我未換電腦前話部電腦唔會用黎打機，只係上網同做功課，但我最後都失信於自己，我吸左隻CS入去，高三時同同學們的回憶呢！而且個名我改返以前我地班的隊名～　發覺有點問題，唔玩了，都係訓覺了，又四點了，越來越唔正常！