１月１日：和05年最後一個早上一樣，發著同一個人的夢，夢裡把我一直想說話的對一位朋友說了，但當然不是談情說愛的話，也不是朋友聯誼的說話，而是想對一位朋友道歉，哈～連夢裡都拒絶接受，無奈！發到七點幾醒了，繼續訓，又發埋晒ｄ九唔搭八的無聊夢，簡直白痴！
訓到差不多三點先起身，只係食左一塊方包，又看了會電視，又溫下習咁，阿爸今日都放假，聽朝先走，溫習越來越明朗了，食完飯繼續，又係溫到兩點幾，仲有一兩part唔多明，聽朝早點起身又再找高同學教我吧，反正死Barry又係佢家溫通宵，一想到此，又乜心情繼續溫了，找到信紙了，不過好寒酸咁～寫好信後搵唔到信封，明天吧！
由十一點幾開始，樓上有班仆街好似開ｐ，嘈到死！又開晒喇叭，好似食晒葯咁大叫大喊！仲嘈到三點半先散，期間好似聽到有人上門鬧，但都係繼續嘈，點解無人報警？不過我都無，唔知點解今晚脾氣唔正常地平靜。
再係禁ｅ睇多陣，便唔溫了。細佬原來一直都係房裡同人煲粥，唉！我第一次同人傾咁耐都係大一戈時，細佬而家先高一就已經咁，唔知係咪佢已經拍拖了？？
四點撻落床，諗住九點起身的話都有五個鐘可以訓，但唔知點解居然失眠！細佬傾到電話無電，差不多五點半了，我仲係床上眼光光！就黎兩個鐘啦！咩事啊今日？？

ｐ．ｓ．新一年的第一天，希望自己今年能有所轉變，這個希望比起從前的更甚！我一定要有所改變！就算失敗我都要試！我零六年要有一個全新的我！
再祝各位新年快樂，事事順心，身體健康～！