１２月３１日：發左個夢，兩位好重要的朋友都出現在夢中，當然我又係被個夢呃左啦！醒返又係覺得有點無奈…
中午自己去左wig樓下的劉記，超白痴地叫左碟咖啡雞絲飯，辣到喊，我唔食得辣的，自己囉黎辛苦～
搭搭下車，死Barry打黎話圖書館無開，沒辦法，都上左車了，返到去先去土木電腦室坐坐，順便溫左陣，因為我手機打唔到長途，所以“迫住”開MSN搵下阿高同學～咁岩有上網，但好無奈個輸入法係大陸拼音，諗到頭爆先諗到一句點打，好彩有個大陸碩士生見我咁煩惱幫我打，之後我同死Barry兩人上去高同學宿舍溫，都四點幾了。
都係狂問高同學，點解佢好似識晒咁，唉！蠢人同聰明人的分別…溫到六點幾死Barry開電視睇，七點幾走了，海灣個巴士站又係勁多人，ｄ巴士又係迫爆，所以都係過馬路搭，寧願兜多幾個字都費事同人迫，最後返到家都八點了，食完飯繼續入房溫習，仲諗緊叫唔叫黑鬼出街走走好，又開電視睇左陣，我諗wig而家已經係上海了，真好，為左睇張韶涵而自己一個由南京去上海，我都想可以咁free！
最後都係算了，好似前幾年的倒數咁，都係乖乖地自己一個係家裡數吧，睇上海東方，同wig係唔同的空間，看著同一個人唱歌，又諗起佢係上海睇我係澳門睇，唉～無奈！
狂轉台，倒數了，睇住十，九，八，七……四，三，二，一，之後睇人歡呼，又係勁無奈，再拿著手機，非常無聊地send新年msg，亦都很多謝有回覆我的朋友，沒有回覆的也不打緊，反正有些是預左的。

總覺得自己怪怪的，不論在何地，身邊有那些人，看著一年的過去，總是心情怪怪的，心中只是想著“唉！咁又一年”，睇下邊一年的倒數我會用另一種心情去迎接，都唔知幾時…

睇多陣電視便入房好無聊地繼續溫習了，溫到三點幾，悶悶地我又搵返晒以前人地給我的信，咭等，看完了，突然寫了封信，給一位很特別的一位朋友，寫左成個鐘，其實只係寫草稿，未搵到信紙，明天再找吧！
又是時候睡覺了，不知是仆街CTM問題，還是真是朋友們遲發msg，哈哈～三時多四時仍可以到朋友的祝福，謝謝～！

ｐ．ｓ．祝有看我日記的無聊讀者06年新年快樂～