１２月２９日：……一訓醒，第一件時諗起粒香口膠，原來仲係個口度，繼續趙，係咪覺得我好核突呢？我都覺！
媽打來說我那個做放數的二嬸俾五佰蚊我，同埋話有兩套去香港的來回船飛，問我要唔要，五佰蚊我梗要啦！雖然最後係咪真係可以到我手就唔知了～但來回船飛我唔要了，因為而家係考試period，況且我諗都無乜人得閒陪我去，去我又可能會突然亂諗野…
黑鬼打來說等陣陪佢睇電腦，佢底版燒ｑ左喎，梳洗完就打俾佢，之後去ｍ記食野，我中午都未食，食完都三點幾了，之後去左數碼城，見到我部DVD-Rom，望望價錢，嘿！果然死肥英講大話，明明二百蚊唔駛佢話幫我買左部三百蚊的，算吧！識佢咁耐佢係咩人大概都知道，當係車馬費又好，砌機費錢又好，其他組件還是不要再去探究價錢好了，世上很多事都是唔知好過知～
再去幸運閣，見到ｄ價錢都係決定返返去數碼城買，但返去之前黑鬼先去高士德借廁所，我就突然醒起要去通利琴行買野，買塊抹樂器的布，其實最主要都係想做會員罷了～

去囉車時，我又走返上次１８號那天見到那件不該見到的事的地點，那天沒有看清楚這裡開了間什麼舖，現在才看清，原來是由台灣開到這裡的“SOPHiSCA”專賣糖果的店舖，難怪…算吧，我已沒有再多想了。

去完數碼城買完後，我便回家了，媽說今晚戈餐又自己搞掂。又係度試部新電腦，細佬突然話佢係二叔度囉左部15吋的LCD芒返來，即試，發覺裝砌得麻麻地，又沒有任何線，駁唔到落電腦度，之後又搬開晒ｄ雜物，搵返部舊芒，睇下有冇線岩用，搞左一大輪都係無，搞到我咁積極係度抹電腦台，算吧，這個芒係三合一的，其中一個功能可以駁電視駁相機睇野，即搵左個火牛接上，再搵過相機黎試，突然聽到“拍”一聲，細佬話個芒出晒煙，Shit！發覺自己蠢左，無留意個火牛岩唔岩用添！好彩唔駛錢，如果唔係心痛死！最後唯有換返部開始變暗的舊芒…

真有趣～我一直很想要的東西，等了很久，爭取了很久才有，甚至仍未實現，好似電腦，考車等；但一些我平時沒有想過，又不是那麼必要的，甚至不大想要的，卻又突然說有就有，好似LCD芒，U-盤，大量文具，CD-R等，玩我咩！

吽到八點幾九點，咁夜我諗又係只有食ｍ記了，食完便開始狂打日記，由二十五打到二十八，聽日返學校可以post了，現在換了電腦變成沒得上網，真無癮！
Save落又係唔駛錢的USB Driver後，我便開始溫習了，因為已經唔多夠時間溫Raymond的那科，又係到四點先訓。