１２月２７日：訓到好似兩點幾先起身，好似自己煮左個面換好衫就出去了，今天要回校做Ryan的project，今天是最後一天可以做了。
約了四點回校，但我三點半便回去了，係山下等接駁巴期間香香突然打來，原來想sell我買保險，不用了～我不是有錢人。
先自己溫一會明天的考試，明天考Ryan的科呢！這科是第二最驚的，這時Barry又來了，溫到五點半高同學先來，他剛考完流體力學。
之後開始做了，又是幾乎全都是高同學一個做，我們不會做嘛～看說明書又看不明，其實都係懶人的藉口罷了。做做下Sue姐姐又來了，佢地幾乎全部重新做過晒，又係因為那小明全部做錯晒，將例題完完全全抄晒落去…
原本Savio話想send mail俾壞人話想遲ｄ先交的，但Phyllis說Andrew那組有人話：“反正我地組都做晒，咪鬼理佢地，唔好改時間”，Alice那三八！
之後Savio又急急腳趕返黎做，佢仲慘，同組的Quantin去了福建老家仍未回澳，那三八Boey又係出面發姣，同人食飯死都唔肯返黎做，三次project佢一次都未做過。

期間巢打來說今晚十點去忙裡偷閒飲野，我問有邊個去，同埋可唔可以改時間，因為聽朝我要考壞人的試，我的確好想去……我話之後再打俾佢。

之後同學們去澳大小泉食飯了，我一起去坐坐，那個Barry又噴飯，都唔緊要，噴落我ｄ講義度都唔係問題，但佢用抹完口的紙巾來抹我的講義，仆佢個街，我又幾乎發作，佢仲理直氣壯地說話呢一面未抹過，呢個人只係依自己的衛生標準同以自己對自己的標準來對人，好彩中學佢唔係理乙班而係理甲，我面前有個杯我真想摔杯，但又奇怪我又可以收到火！這是我第二次當眾鬧佢吧！
返返去土木電腦室後決定今晚不回家了，溫通宵吧！反正高同學的宿舍就在海灣花園，這時決定了才後悔，因為剛剛沒有吃飯，但想吃也沒用啊，銀包裡只得十蚊，屎就有得食！
繼續做做到十點幾Carmen又話要來了，因為佢地都做唔切，我地組在高同學的帶領下變成第二組做完的，程式那部份做晒後，報告部份由我和高同學繼續做，Barry話九點幾走，但走到十一點先肯走，其實這裡沒有人喜歡他留下，太煩了，早走早著！之後好白痴地，同Savio係地下做掌上壓…
Carmen坐她的frd私家車來，又係話個frd好好人，那有這麼多好人？我好似由大一講到佢大四了，妳試下變性做男仔丫，睇下係咪仲有好多好人？又或者睇下仲有冇好人添？懶得講了！

不知飲野戈邊而家點？

之後真係頂唔順了，打181問小熊貓電話，再叫外賣飯盒，我同高同學一齊叫，高同學先幫我出住錢先，落去俾錢，又咁抵死條友無散紙找，我叫佢有散紙再打俾我吧，先囉上去，找埋錢繼續做報告同溫習，成十二點我先食晚飯，這時Phyllis又來了，純粹來溫習。
食到飽飽地後，這時Quantin回來了，又同Savio去買宵夜，去澳大的OK，居然關門？！不是24H的嗎？
其他組繼續努力地做，我地組已經開始溫習了，到三點幾，原本打算上Sue的家睡的，但由於那“好人”話車佢，所以走了，嘿！幼稚！
我和高同學走了，去佢屋企，嘩！仲亂過我間房，仲有個大三的學弟在，一路溫一路同高同學狂吹水，到七點幾，再看多最後一次功課後便準備回去考試了……