１２月２１日：八點林＋＋電醒我考試，之後準備好筆記，舊卷等考試用到的東西後便走了，眼看走了一架33，又有排等，又撞到Carmen。
回去只是遲了五分鐘，Dr. Shim坐了一會便走了，留下Miss Ao，佢都由得我地了，只是叫我地唔好咁大聲，餘下時間大家狂搵筆記，狂抄功課同舊卷。份考試卷和上年的有七成相似，做到還有一個小時時，Dr. Shim又突然走了進來，很多人把東西都收得很狼狽呢！
始終都有一題唔識，我係第一個交卷，因為我希望可以趕得切返去聖記的聖誕聯歡，但都已經十二時了，回去最快都十二點半，都完了，打俾C+，他也不知道什麼時間完，但這時我聽到背景音樂，原來今年聯歡又請左C-Plus做表演嘉賓，那也沒什麼關係，但囉命的是，我清清楚楚地聽到他們正在唱那首歌，是我說過今年聖誕最最最最最不想聽到的聖誕歌，陳奕迅都唱過的，頂！心情即刻…我還是不要回去了。
呆呆地咁走去環境lab.，又係金小姐部電腦上網打日記，四點半便走了，回家，再約黑鬼一齊去買聖誕禮物，因今晚飲野約好左交換禮物的，再約埋梁友平，點知佢提議約一大班人出黎，噢，又要狂打電話了。
又係要等好耐黑鬼先下樓，之後去左筷子基的屈人錢買，為免盡量唔好知大家買咩做禮物，所以各自揀好後，黑鬼先買，等佢包好禮物出黎，我再入去買，我買了兩樣。

囉車戈時，我見到筷子基那間寶ｘ葡式茶餐廳，我又想起暑假某天的中午…

黑鬼車我回家後他便返工了，今晚再見吧。之後狂打電話，仲要book房，最後只有皇朝小泉才有房，可惡的是最遲要book 9:30，但很多人都要十點後才來到，沒辦法，唯有自己早點到呆坐吧！
陸續約好人後到了七點，我又要出去了，要去會址夾MPA廿人小組，吳生說12/26和1/8有表演，和阿麻說不回家吃飯後，又行去。
上到回址，嘩！好靚啊，真的想像不到呢！

唉！果然世上所有東西都是要靠門面靠裝修靠飾面，入到現在的會址，有誰能夠完全聯想它所在的地方，竟是一幢有四十年歷史（還是二十年？忘記了～），又殘又舊，而且整天漏水兼有石屎剝落的工業大廈內呢？正如很多人都是只看外表，更深層的東西總是看不到。

等到齊人開始夾時，已經是八點了，這個遲夾Band的老毛病總是沒辦法改。派了很多首陳年舊歌，都不是太難，大概夾到九點三左右，我要先走了，要去囉房，先俾兩千蚊到死肥英，叫佢弟幫我砌電腦，唉！由七月拜托要做的事，到了這天，成五個月了，我才有錢給他砌電腦。走的時間當然要和大家說聲再見，當然最主要的是…可是……沒辦法，只好笑著轉身離去吧！

眼見這麼久也沒車，先打俾洪班長，因為佢已身在小泉，同同學商量新年做生意。叫佢先幫我囉間房先，我九點九才到，佢又去join返佢戈班了，先叫了碟飯食，我剛才是空著肚子去練野呢！之後小葡到了，睇左好多韓國相，佢月頭去左韓國比賽，而且撞正落雪！可以有咁多地方去，我都想參加柔道呢！
ｄ人陸續到，今晚其實都好少人，瑩又突然甩底，最後等埋黑鬼放工到齊了都係得小葡，Renee，梁友平，班長，黑鬼，華薑，金來，我等八人，又聽返梁友平講今年畢業旅行的事，真想殺死梁家駒同袁偉明兩修仆街！
原本此次聚會只是我們平時五六個人再加梁友平的，但她想見見其他人，所以原本諗住交換禮物，就變得好似有點尷尬，但都照交換，得我，黑鬼，Renee，小葡同梁友平交換，我抽中了Renee那份禮物，是份聖誕小飾物；而我原本那份到了梁友平手上，佢話佢唔收，只係幫我保管，等我有gf戈陣會比返我，因為我戈份係聖誕公仔，好無奈，咁Miss你俾多ｄ耐性慢慢幫我keep吧…　　還燒了幾隻高中時的相派比人。
走了，天氣忽然冷了很多，坐黑鬼車返去超凍，回到家差不多兩點吧，仍是上網打日記，打到又是差不多四點先訓。