１１月９日：訓到十二點幾，今日得兩堂要上，十點同下午兩點，下午我不去上了，所以上午又免得只上一個小時又不去了。
食了面，沖完涼洗埋頭，便囉套老西呀，恤衫西褲呀出黎熨下，搞到成三點半先上黑鬼家，佢都岩岩醒，等佢換好晒衫便起行了，今天是Renee的畢業典禮，在文化中心，之前同黑鬼約好左著晒西裝去俾個驚喜的～
入到去儀式仲頒緊獎之類的，四點半先完，我同黑鬼便去整理下自己了，打俾佢之後便狂影相了，我同黑鬼好似保鑣咁～　份證書好大本，唔知我下年可唔可以順利囉到呢？
婷返工黎唔到，小葡去了台灣開什麼柔道研討會，梁ｘ瑩要五點幾先到，所以又周圍行下等下，佢來到影多幾張相便散了，我同黑鬼兩個西人坐電單車回去，之後我去carmen家囉明天壞人測驗的影印溫習，佢話今日Dr. Shim派了mid-term，我係全班最高分的！嘩哈！我三年幾以來第一次呢！
唉！慘了，看都未看過，今晚不用睡了，返去即睇，睇到成九點幾先去買個ｍ記食，雖然生飛支，但都係想食ｍ記，最多叫佢俾包鹽我，佢仲俾兩兩張抽獎的咭我，食完想上一陣網的，但諗諗下都是算了，溫到十一二點就返房訓一陣，一點再溫過，兩點睇埋狗夜叉繼續溫，溫到差不多四點，好彩範圍唔多，我溫埋功課，飲埋杯鮮奶便訓了。

ｐ．ｓ．今日是祺的生日～生日快樂了！！