１０月２３日：早上七八點戈陣朦朦朧朧地被阿媽叫醒，叫我借埋另外五佰比佢，唉！我ｄ錢真係唔見得光的，見光真係即死，總共借了二千，唔知有冇得還，七月話要換電腦，已經幾乎叫人幫我執緊了，到而家十月尾了，仍未有錢俾到人；零三年八月話入稟，到而家零五年十月尾了，都仲係未有錢入……無奈。
又訓到點幾，又係無聊地睇電視，睇返琴晚未睇完的老翻，三點幾先煮個面食，睇左陣電視，又上網去了，jan話去打邊爐，看看幾點吧，待會要和理乙小聚的，今個月的主角輪到小葡，但再打電話時卻有三個沒空，唯有改期了，去打邊爐吧，jan叫我搵佢車我去，費事坐那仆街的車了，說待會我自己去，點知佢地原來係去乙水仔打，那我更加不去了。
忘了打俾黑鬼說今晚要改期，打給他時問我有冇野做，頂！又話去篤波了。我先去食個飯，九點幾點在他家樓下等，之後去了樂天篤，篤完十一點幾便回家了，沖完涼好像沒有上網便睡了。