１０月６日：今早時間還可以，但自己又摩下摩下咁，買完早餐又遲了到巴士站，又撞到一樣遲到的carmen，之後一路發住夢咁直到落車。
遲了十分鐘到，今堂的壞人堂有很多問題問我們呢！第一條就是抽到我，唉！好運的事從來沒碰過～還好只是些中學程度的數，沒問題。之後佢又狂問我地問題，我地班是公認四年土木中，能力是最有問題的一屆～
十一點放學了，去了土木電腦室，打算試試用那程式做壞人份報告，但我們三個懶人又點會咁快識做丫，只係計左少少數，我呢排腸胃好唔掂，又去廁所，我去那個廁所對面是結構實驗室，carmen正在裡面做她的FYP，好多鋼要量，好彩我做那個FYP不用那麼麻煩，barry，quantin同savio也在，我地見到我們大一時做的那條橋，即刻囉我細佬部手機影底佢～
去食飯了，同佢地三個去西門町，成年幾未去過了，因為ｄ野食實在太爛了，食完上了quantin家，坐了一會，又打了盤機，三點了，又要回校，因為要去實習下點做環境FYP實驗。
去到實驗室聽佢講左陣Dr. Shim的壞話，便上了那個簡陋微生物實驗室，教我同phyllis溝ｄ營養medium：
2.5g peptone
1.5g beef extract
把一切要用的儀器，材料等在化學實驗室裡調較使用。將兩種粉末狀放入某不知名container中，放入適量蒸餾水，將container放在stirrer機上攪拌，最後形成深黃色液體，將來此stirrer的另一用途，是萬一要做實驗做到深夜，可作電爐煲水煮面用，因有加熱的功能～
之後再加滿至500ml，倒入另一container中，放入某儀器內加熱加壓，用作殺菌。直到某天空閒時可把這培養液取出使用。
之後再回環境實驗室，Dickon示範和教我們怎樣使用顯微鏡，原本想去那騙錢的小賣部買益力多，看看乳酸菌的形狀，但一早賣光光了，所以唯有用水喉水。每個鏡頭都試過了，除了氣泡外什麼那看不到，看來澳門自來水的質量的確不賴。
玩顯微鏡玩到五點半走了，記得上次玩顯微鏡的時候是初中二，當然現在玩的高科技得多了。
又返去睇電視，錯過左少少添，又睇東風那個“桃色蛋白質”，學友做嘉賓呢！即睇到實，之後食飯，今餐有香腸魚旦雞翼～！
八點同黑鬼出了大陸，原本想去文華睇下有冇書可買，又邊會咁好搵到丫！之後決定又去篤波，但蓮花路那間沒有檯，回澳門了。
又坐車去樂天，篤左差不多成兩個鐘，好甘，我指價錢，之後十二點零沖完涼後回家睡了。