１０月１日：原本想早點起身睇睇ｄ譜，但又訓到成十二點，搞到未食飯就回校了，仲諗住搏下阿姨會開門做生意添。一點先得幾隻人在，同叮叮吹左陣，又勾返起某隻童年零食～
今日終於可以吹返eup.了，吳生指到兩點半就break，叫我下半場上，派住譜先，先派份flurry，再派份barbarossa，一直都覺得唔會太難，呢兩首歌應該都似食菜，囉左支好有哈里波特feel的指揮棒指，誰知一夾flurry已覺不妙，或者太少人，或者唔慣，又或者全是我問題吧～算了，這首人齊少少再練。再練barbarossa，仲衰，我睇得太簡單了，返屋企看來要再狂睇熟份譜，四點散了，坐多陣睇下譜，再囉支野練一陣，好耐無認真吹過練習譜，起晒咁吹，爽晒。
由夾完到我練完呢個幾鐘，得cl幾個人係留底練野的，唉～！
再等埋音樂室的新人走晒，入去關燈咁啦，入到去我頂！！！成地垃圾，譜架又唔囉返走！凳又亂晒！超無手尾，走返出黎見到其中兩個剛用完音樂室的新人，提下佢地下次盡量執返自己野，shit！居然唔show我？！
走了，一回家又係坐係sofa上，沒食中午的關係，先食左碗面，睇完“我猜”，又食左兩大碗粥，就好無聊地睇電睇到十點幾，原本今日梁ｘ瑩話睇煙花的，但打俾renee佢唔得閒，再打俾梁佢又成晚失蹤，無理我同黑鬼兩支公去睇架～所以不去看了，約十點半篤波，但黑鬼例遲，成十一點先去，去康樂，一個鐘走了，右手手掙超痛，原因不明，搞到兩盤都輸俾黑鬼。
之後又係肚餓，原來食少一餐可以引發異常強勁的食慾！去食小熊貓，食完…想起要上會址囉野，所以叫黑鬼順便，反正會址鎖匙我有跟身。
上到去都成點幾鐘，搵到份譜後坐左陣，黑鬼見到twins的Monday雜誌又點會放過丫～之後走了，回到家沖完涼直接睡了。

ｐ．ｓ．熱烈慶祝中華人民共和國成立五十六週年！！