９月２６日：九點半先醒，又要仆返學了，之前還說以後要準時上學，但，我連電子字典裡的鬧鐘都用上了，仍是沒用。
遲了廿分鐘，上堂又是發夢，之後兩個鐘raymond，好悶。放學抽籤，看看第一堂那科我們十二人那三人三人一組，結果非我所料，我同高同學一組，沒所謂啊，幾好添！但另一個組員是barry，食屎啦！即係得我同高同學做野，極度不爽兼不屑！
中午同carmen和boey去新寶食，已經在說著不足一年後大家會怎樣，真的做回本行嗎？carmen換左手機，係佢男友送的生日禮物，shit！係我呢期好想要的w800i！！食到兩點又上返山，我去圖書館，jill又在那，上到去仲有佢女友…自己囉左本對我做報告應該幾有用的書睇，但翻左兩三版就不看了～
玩那個EQ測驗，真的幾低下，但佢兩個都唔合格，我諗我戈個結果都算準。
走了，坐三十路回聖記，原本諗住打簿，但都係返聖記吸引ｄ，返到去，一個師弟都無，咁自己練下野囉，吹到流牙血！
唉！未到五點半走了，去食物部搵阿姨講講佢介紹份工ｄ野。
返到去又睇犬夜叉，快大結局了，以後不用再像小學生般日日趕回家看卡通了～
看完在sofa上睡著了，睡醒買了三個飯盒回家，食完再在書房裡吽了一會，九點三便出去了，和黑鬼去了八百伴，去了買野。之後走了，旁邊是回力，再旁邊是商場，商場地下有間…就這樣，我同黑鬼又興之所致地去了篤波，篤了個半鐘，走了，今日勁破財，其實破左一百都唔夠～
回到家沖涼又上了會網，打下日記，同祺msn了一會，佢講左一堆“道理”，好唔要得，好不屑！但的確好有道理！我唔咁做的確好蠢！但唔蠢又點似我呢？
點零鐘post日記上個mail度，明天回校再post新聞台，attach緊時去睇電視，差不多半個鐘後回來，仲attach緊？！部垃圾同呆滯線路好唔掂喎！send完之後就去睡了。

ｐ．ｓ．今日九月廿六日．．．（在舊的新聞台中再詳述。）