９月１６日：八點半起身，原本早上沒有堂的，但今天要和Dickon助教去乙水仔個污水處理廠打水，九點半要去環境實驗室等。買左個包，再等左超耐巴士，我要去炸新福利了！明明提早好多出門都要搞到遲到！妖！呢排唔好再惹我了！心情不太好！…好驚失控。
去到已經見到佢囉住ｄ桶去停車場，我食埋個早餐，幫下手囉左幾個桶，去停車場坐學校的私家車去，車尾箱放左七個吉桶，司機是個阿姨呢！手車仲幾辣下添！
去到雖然好像沒上次來時那麼臭，但點都係臭，一去就囉晒ｄ桶去那個second treatment plant度，原本是戴住口罩的，但真係太焗了，寧靜臭死好過焗死！
我地兩人各自拿了兩支這裡自制的撈取器，其實只是一支長兩米的竹，再縛住半支礦泉水樽的物體，噢！原來係咁樣打水的，逐下逐下咁係池裡忽上黎再倒入ｄ桶內！好難控制呢！支竹好ｑ長，支點同受力點太遠了，力臂太長，搞到少少污水都好鬼重。各自忽左半桶後又走去第二個池了。已經成身濕晒了，沒有啦～只是汗水而已。
SHIT！雖然得半桶水，但我幾乎拎唔起！我沒有講大話，足足有兩支唔連盒的tuba咁重！呢個大桶我諗有五升污水～
又去了另一個池囉第二種水，這次再裝滿兩桶五升的小桶，開始掌握好力度同方法了，越來越快，但又越來越累，最後兩人共打了七桶水，重到仆ｘ！又要搬晒出去沖沖水，沖完就搬落十幾級樓梯～
噢～！出事了，右邊肩膀好似拉傷了，但又好似無咩事咁。之後入了那裡的office簽個到咁，私家車到了，放晒ｄ桶上車就回去了，另一位助教接應，搬晒入實驗室已經沒氣力了，又勁口渴，狂灌水，坐左陣，十二點零搵埋carmen食飯，頂！又去小熊貓，phyllis都在，佢有重修上所以唔駛去打水。
食完成身臭氣（汗水臭加污水臭）咁去上中文堂，今堂悶悶地，又沒有心情聽，放學同carmen去了圖書館囉影印，再坐十一路走了，去郵局囉野，今朝係信箱度見到有張野叫我去郵局囉，好祈待呢！一直在想是誰寄東西給我，但原來carmen都收到張咁ge野，er…即時無癮，佢都有即係可能又是不知什麼東西。
去到，原來係暑期工糧，唔知係咪呢，沒有細看，只看到原本73xx的，但我要交稅？！仆街佢老母個政府有病呀？一個月三千幾叫我交稅？！仲有交25%即成千八！我ｘ佢！辦公時間一定要打去問候下佢！係我個兜度那飯食？！
水坑尾坐八路，直接返聖中，班“難民”又去了練東亞彩排，所以管樂室好冷清，有個師妹在，但唔方便教佢，費事成身臭氣咁走埋去，放低返份上次拿走的東西，又找找有什麼東西。
係足球見到有個鬼仔，以為是阿伯放左個外人入來，但moon說是新來教speaking的，讀緊大三？？？食屎啦！咁我咪做得班主任，又引來clarinet成班新人ｖ哇鬼叫，又話靚仔又剩，ｔｉｌｌ！至ｘ憎靚仔！
走了，回家看完下半犬夜叉先去沖涼，食完飯係sofa攤左陣，幾乎訓著，還是入房訓吧，頂！岩岩咁鬼眼訓，而家碌極都訓唔著，最後好白痴地碌左個幾鐘，個腦又load下野咁，又走返出去，太無聊了，今晚無啦啦唔駛練舞，成晚係屋企唔知做乜！睇九一一的東西，講唯一無撞向任何建築物的那架機的模擬情況，仲播返當時機內的真實聲音，這機上的乘客先有資格叫做“人”！
明知上網實無聊但都係走左去上網，同wig，黑鬼，shootor四條友兩岸三地開個聊天室吹無聊水，點半走了，睇下電視，去訓了，唉！

ｐ．ｓ．九月十六日，是wig與黃小草的生日呢！祝呢雙黃生日快樂！