９月９日：原本想早點起來看一看環境的material的，因今天要開會，但我懶的關係，成十二點先起身，阿媽煮面，食食下見夠鐘，打俾叮叮借會址鎖匙，今晚阿蕭話要借會址練葡國舞，佢問過會長了，我諗吳生都知掛～
落樓，除了見到叮叮外，仲有林＋＋，旁邊吉魚旦的地方，仲見到我細佬，和亂咁同我揮手的同學……謝謝了～
阿媽又看了看學友碟，我又夠鐘回校了，上那選修的現代漢語，原本打算趁這堂看一看環境的，但又無法集中精神，而且我仲聽了會書添！佢叫我地求其寫字或文章，我就寫了兩首頗喜愛的詞～
落堂了，上了平台自個兒看，四點戈陣去環境實驗室，phyllis叫的，同d助教商量了一會，大概知道佢地正在做什麼工作了，和我們大概將會做的工作。五點零，上FST的會客室，等Dr. Shim來開會了。
開會逐個問我們這個星期做過些什麼，我又胡亂吹一通，之後就同助教們開會講進度等問題，差不多七點半先走得，坐三十路回家，又即刻出去坐十路去會址，上面簡直像個廢墟，執好椅子和垃圾阿蕭剛好上來，等齊人又練了，連魚魚同香香都有來。個會址的確幾失禮，練到十一點先散，走回家，旁邊一起的仲有Sinhor Neves，都係有丁點壓力！
去樓下買了個飯回家吃，之後看了會電視，沖完涼上網，之後又開始打日記，打到三點零訓了。