９月５日：早上九點幾醒了，但無人肯去食早餐，太累了，Tom仔不知不覺走了，我地攤到成十點先起身，約十點半係大堂等，去昨晚新發現叫Starmall的商場，我連水也忘了喝，搞到超口渴！都幾大，同八佰伴差不多，只是入過頂樓一間模型舖，這裡已經是我在菲律賓不知第幾間有犬夜叉的東西的舖了～相反在澳門想找到都幾難！
之後發覺餘下時間只夠我們吃東西，便下去食野了，有間門面唔錯，好似係專食菜同pizza的，入去一人叫左個餐，同一個方型的大pizza，來了幾天，點菜時終於沒那麼困難了，但當然點都係要人重覆多篇。
Tom仔這時已用光所有錢了，鬼叫佢用錢唔用腦，細路真係細路！出到去見到些東西，又買了些沒用的，純粹浪費下金錢而已，因為到現時為止，我仍剩下數百元披索～
十二點回酒店了，作最後執野同檢查，十二點半便下樓了，下次要買個大些少的行李了！等了超耐先搞點晒check-out，便開始踏上龜肚了～沿途不太想睡，看看風景，看見了楝有趣的大樓名！即刻影低佢！
話咁快到機場了，即有人來兜售雪糕，真識做生意，成P800蚊一箱兩罐，用乾冰雪住可保存一日，算！買了，但我得P440，同阿蕭兌了一百HKD to P700，再簽個名係箱雪糕上。在櫃檯等手續又係等超耐，而且這裡仲要逐個搞，不能一次過一人搞點！搞到成三點幾，先去得登機室，同機兼之前同酒店的，有隊香港街頭籃球隊，超高！
同jill & P在候機室等，又吹下水咁，五點登機了，同柯sir坐，國泰機真係好坐ｄ，每人面前仲有獨立電視睇，但個飛機餐ｄ飯真的不敢恭維，之後睡了一會，又寫下日記咁，差不多七點到了香港赤ｘ角機場，果然呢度ｄ風真的有點問題，成日都有氣流搞到震晒機先降落。
左穿右插咁轉去坐船返澳門，終於見返ｄ炎黃子孫面孔了，Tom仔個身份證居然係行李gip內，唉！自己野乜都唔顧下。等接駁巴時，有個野話有個行李箱有點問題，就正正係我戈個，唔係咁搞笑話爆左下話！原來只係問我個挽手係本身壞定係搬運時給人弄壞，問我追唔追究，頂！早知就追究啦，換個新的都好～
原來機場附近都有個碼頭，但都幾簡陋下，等左好耐下，Sinhor Neves又手痕教我地玩魔術。上船了，座位可亂坐，又寫下日記，咁上下，手機終於顯示到澳門電訊呢間仆街公司了！咁多日都無乜人搵過我～
打俾黑鬼問佢得唔得閒車我，果然是好友！等行李等得超耐！最先出來的是雪糕，見到自己個爛gip了，所有野拿齊後即狼狽地上二樓，黑鬼到了很久呢！
行李gip放係佢車頭，上面再放上帳幕，左手抽住雪糕，右手捧著大鼓，背著背包，佢間五十仔唔駛要了。
上車時，原本想叫佢叫埋杰佬一齊比我搵佢笨的，但黑鬼說，今天杰佬在大橋撞車了，傷得很重，剛剛做完手術，佢一野撞落架壞車車尾，佢後面仲車住佢前女友，兩個都入院，杰佬撞爆左個脾，由下午等到夜晚先排到佢做手術，山頂真係囉人命！好彩應該沒大礙，找天去看看他。
返到家同阿媽前後腳咁返，阿媽果然唔知我幾時返來。囉晒ｄ臭衫出來洗先，其他野遲ｄ先算，沖完涼，便上網了，尋秦記都唔睇了，阿媽叫我比部相機佢睇，睇睇下阿媽唔知點解按錯，format晒所有相！………我．．．難以形容的心情，又唔可以發作，我係咁話我阿媽亂咁按，又唔可以話要嬲佢，只怪自己沒一早放晒入電腦先，睇得出阿媽都唔知點咁。好無奈地，關機去睡了。